Presidenta

Nossa baselgia viva da la multifariadad da tut sias baselgias commembras e da lur lavur a la basa. A ma statti propi a cor da dar ina vusch a lur activitads ed a lur forzas specificas.

Cun elan vi jau volver si las mongias e m’engaschar per quellas tematicas che nus vulain promover cuminaivlamain. Jau sai d’avair en las BERS collegas cumpetentas e motivads che vegnan a sustegnair mai latiers energicamain.

Nossa Baselgia evangelica refurmada da la Svizra è ina baselgia averta ed activa, en la quala tuts han ils medems dretgs. Cun sia annunzia da la buna nova, la diaconia, la pastoraziun e sias purschidas da furmaziun è ella ina instituziun impurtanta per che nossa societad funcziunia e tegnia ensemen.

A nus ed a l’entira populaziun stattan avant temps pretensius. Perquai èsi da tegnair ensemen e da contribuir mintgin sia part en la fidanza sin il spiert creativ da Dieu, per che nossa societad possia sa cumprovar en questa crisa.

Sco presidenta da la Baselgia evangelica refurmada da la Svizra vegn jau a m’engaschar da sustegnair e da promover nossa lavur cun suandar Cristus.