La crusch sco identitad visuala
Il logo da la Baselgia evangelica refurmada da la Svizra
Tras la nova constituziun, che entra en vigur il 1. da schaner 2020, daventa la Federaziun da las baselgias evangelicas da la Svizra FEBS ch’ha 100 onns, la Baselgia evangelica refurmada da la Svizra BERS. Questa midada da num ha per consequenza er ina nova identitad visuala. La BERS vul mussar colur e sa posiziunar visiblamain, udiblamain e signifitgantamain en la societad pluralistica dad oz. Ferma vers dadens. Ferma vers anora.
Quai simbolisescha il logo da la BERS. Questa “crusch en la glisch” è cun sia siluetta viv cotschna e ses center avert ina nova interpretaziun dal simbol cristian genuin sco tal. Perquai che il logo aveva dad esser main particular sco plitost original. El è reducì conscientamain sin quatter travs dinamics ed uschia applitgabel sin tut ils champs naziunals, regiunals e locals.
La “crusch en la glisch” lascha spazi per l’agir da Dieu amez nossa realitad. Ella simbolisescha l’incumbensa da la Baselgia evangelica refurmada da la Svizra: Ella annunzia cun pled e fatg l’evangeli da Jesus Cristus.
