Organisaziun
Ferma represchentaziun dals protestants e da las protestantas da la Svizra
La Baselgia evangelica refurmada da la Svizra BERS è l’uniun da las 24 baselgias refurmadas chantunalas, da la Baselgia evangelica-metodista e da l’Eglise Evangélique Libre de Genève en Svizra. Cun quai represchenta la BES var duas milliuns protestantas e protestants. Organisaziuns antecessuras eran la Federaziun da las Baselgias evangelicas svizras FeBs dal 1920, la Dieta evangelica e la Conferenza da las baselgias refurmadas svizras naschida l’onn 1858.
La BERS defenda ils interess cuminaivels da lur baselgias e fa valair quels sin il nivel naziunal ed internaziunal. Politicamain è la BES sco represchentanta dal protestantissem svizzer tranter auter er partenari da discussiun per las autoritads federalas. La BES prenda posiziun politicamain e s’exprima en atgnas publicaziuns tar dumondas actualas teologicas ed eticas.
Sin il nivel religius represchenta ella sias baselgias en la Communitad mundiala da baselgias refurmadas CMBR, en la Cuminanza da baselgias evangelicas en Europa CBEE ed en il Cussegl ecumenic da baselgias CEB. La BES tgira relaziuns cun las baselgias partenarias en Svizra ed a l’ester, cun la cuminanza giudaica ed islamica, cun la conferenza dals uvestgs sco er cun las ovras d’agid, las organisaziuns da la missiun e cun fondia.